Ի՞նչ է քվեստը
Քվեստը թիմային ինտելեկտուալ խաղ է, որտեղ թիմը հայտնվելով խորհրդավոր փակ սենյակում հանդիպում է հուշումների, գլուխկոտրուկների, փորձությունների ու խնդիրների, որոնք հաղթահարելով, կողպեքներ ու դռներ բացելով ի վերջո պետք է դուրս գա սենյակից։
Արդյո՞ք պարտադիր է ամրագրումը, թե՞ կարող ենք միանգամից մոտենալ։
Ամրագրումը պարտադիր է դերասաններով (horror) քվեստների համար և խիստ ցանկալի մյուս քվեստների համար։ Եթե դուք մոտենաք առանց ամրագրման հնարավոր է ստիպված լինեք շատ երկար սպասել՝ երբեմն նույնիսկ դրսում։
Ձեզ մոտ ծնունդ նշում ե՞ն, սնունդ տրամադրում ե՞ք, ինչքա՞ն է տևում խաղը
Այո նշում են։ Ոչ, սնունդ չենք տրամադրում։ Ձեր ժամանցը մոտ մեկ ժամ կտևի, եթե մեկ քվեստ եք խաղալու։
Քանի հոգուց բաղկացած պիտի լինի թիմը
թիմը պետք է լինի 2-8 հոգուց բաղկացած։ Պետք է գաք ձեր թիմով, մենք տեղում առանձին մարդկանցից թիմեր չենք ձևավորում։
Ե՞րբ և ինչպե՞ս ամրագրել։
Ինչքան շուտ այնքան լավ։ Մեկ-երկու օր առաջ սովորաբար ազատ ժամեր լինում են։ Եթե դուք ուզում եք խաղալ նույն օրը, ապա խնդրում ենք գոնե մեկ ժամ շուտ կապվել մեզ հետ։ Ամրագրումները ցանկալի է անել այս կայքի միջոցով, սակայն կարող եք նաև զանգի կամ ինստագրամի միջոցով անել։
Տարիքային շեմ
Մեր քվեստները մեծահասակների համար են։ Կարող են խաղալ 12+ Տարիքի երեխաները։ Ավելի ցածր տարիքայինները շատ կդժվարանան։ Մենք չենք ցանկանում, որպեսզի խաղացողները կիսատ էմոցիաներ ստանան։ Ապագայում ավելի փոքրերի համար տարբերակներ նախատեսում ենք։